:: عضو مبدع ::
تاريخ التسجيل : Mar 2019
الدولة : الجزائر - الجزائر
العمر : 15 - 20
الجنس : انثى
المشاركات : 748
تقييم المستوى : 7
رد: bac 2020 تجربتك (◠‿◠)
اول شي مشكورة لينا على الموضوع المميز
نبداو على بركة الله
اولا الاحتياطات وداك الشي ماكانش قاع رانا نجوز كثر من 20 في لكلاصة كانو يقولونا 10 مايفوتوش مي فاتو الدوبل . ماكان ني معقم وقياس الحرارة مين داك يديرولنا
لي سوجي ماعندي مانقولك هلكونا يهلكهم ربي
المركز لراني نجوز فيع بعيد نحكم 40 دقيقة بالطاكسي كيما البارح خرجت على 6 ونص تع العشية مزية بوها تع صحبتي وصلني سينو نوصل في الليل يقصرو بينا نقعد نقارع في لتاكسي في الليل
ضروك مع السوجيات تع العربية الناس قاع خيرو الشعر مي انا كي الدابة رحت نخير في سوجي مايتمسش خيرت النثر وهلكتها هذا كل بش نهرب من الشعر باسكو مافهمت فيه والو وزيد مامدولناش قاع على لقرينا
الشريعة صافا
المات تكلنا كامل على الاعداد المركبة مي في اللخر ماطاحتش ضيعت فيها وقتي مدولنا تمرين تع الاحتمالات مايتمسش والمتتاليات فيهم خدمة والدالة هاديك معقدة المهيم السوجي هداك ماكملتوش سمالا هلكونا
انجلي صفا شويا
سيانس اتكلت عليها هي ومع اللخر مدولنا سوجي تع ميدسين ليدو سوجي طوال مالقيتش شا نخير والشي لغاضني الاتصال العصبي كنت قادرة نحله وكتبته في الوسخ ومع اللخر مكفانيش الوقت وعليه 8 نقاطي صافي راحتلي باسكو ضاعلي الوقت ساعة وانا نخمم شانخير يالسوجي اللول ولا الثاني دوماج واتخدعت وصاي والمناعة تاني والله ربي يستر برك
الفرونسي ماعطاوناش شا قرينا صافي لازم تفهمها وديجا ماعلباليش بيها
الاجتماعيات ساهل مي شاندير انا بالاجتماعيات اصلا راحتلي الحفيظة شوية محفظتش مليح
فيزيك السوجي اللول لقيت فيه السقوط الحر هو لمراجعتهش ماخممتش فيه قاع رحت ديركت للدوزيام سوجي والدوزيام هو الصعيب بش ندير شوي اقمار صناعية باسكو ماراجعتش الوحدة هاديك مليح غير الاقمار راجعتهم بالبيا والفلسفة ماحفظت حتى مقالة رحت ديراكت للتحليل حفظت المنهجية تاعه وساي
ليسونيال المواد الاساسية دمرونا يدمرهم ربي وراهم شبعو غير دعاوي الشر
اسوء ايامي واسوء باك في التاريخ والتعب امبليس بوغ غيا مارانيش نرقد ندير غير نوي بلانش ورا بعضها
ليغيزولتا مارانيش نفكر فيها باسكو علبالي بلي كارثية ربي يجيب الخير وخلاص ماتنسوش تدعولنا
ثم ماذا ؟؟؟
ثم ان جميعهم .شيء .
وانت وحدك .كل شيء.
بسمة ܓܛ
التعديل الأخير تم بواسطة le miracle ; 2020-09-20 الساعة 14:57
سبب آخر: تعديل اللون والخط
bac 2020 تجربتك (◠‿◠)
.gif)
العرض العادي
